pech rakhate ho bahut saaj-o-dastaar ke bech

pech rakhate ho bahut saaj-o-dastaar ke bech
mai.n ne sar girate hue dekhe hai.n baazaar ke bech

(Pech = anger; saaj-o-dastaar = turban)

baaGh-Baano'n ko ajab ranj se takate hai'n Gulaab
gul-farosh aaj bahut jamaa hai'n gul-zaar ke bech

[ranj = sorrow; gul_farosh = flower sellers]

kaj adaao'n kii inaayat hai ki ham se ushshaaq
kabhii diivaar ke piichhe kabhii diivaar ke biich

[kaj - crooked; ushshaaq = lovers]

tum ho naa_Khush to yahaa.N kaun hai Khush phir bhi 'Faraz'
log rahate hai'n isii shahar_e_dil_e_aazaar ke biich